ياليتنـي حطيت للـقلـب عـــداد
يطبع فواتير الغلا والموده
من شان لاجاني من الناس نشاد
اسحب له برنت الغرام ويسده
احيان اهني صاحب المال بالمال
واحيان اهني صاحب الفقر فقره
احيان اكشخ والبس شماغ وعقال
واحيان اسير ولا على الراس غتره
الناس فيها هم يا طيب الفال
خذ لك من ايامك وانا خوك عبره
ترى أختلاف الحال حالن بعد حال
يعطيك فالدنيا مع الناس خبره
كم عاش فالدنيـا فقيـر من المال
والناس تدعيله حتـى بقبـره
وكم ولد لاش عاش في بارد ضلال
ما فاد شي ومات زولـه وذكـره
والوقت نفسه مـا تغيـر ولا زال
يوم وسنه والشهر هو نفس شهره
بس البلاء بنفوسنا صابها هبال
نركض بهالدنيا على غير دبره
بعنا الصبر من شان تحقيق الامال
واثر الامل مربوط في طول صبره
ومجملات الهرج قلنا وذا قـال
في رجل ما يسوى لتعظيم قدره
ما كل منهو يلبس البشت رجال
يبرك ويشتال الثقيلـه بظهـره
ياهيه ياللي غرك الوقت تختـال
كلن يعيش بحسب رايه وفكـره
كتبتها من طيب مدري من هبـال
وقفلتها يوم القلـم جـف حبـره.
ماحد يموت الا وعمره وافي
والله يعلم عمرنا كم نصفه
لاجاء الأجل ماله علاج اوشافي
وكل واحد با يصل له كشفه
والمشكله ماشي كفانا كافي
والموت كم يحتاج له من وقفه
فاليوم هو باين وبكره خافي
والغد يعلم من يلاقي حتفه
والكل منها با يغادر حافي
ماحد يشل الا الكفن ذي لفه
نصيحتي يامن سراجه طافي
يحفظ صلاته والشرف والعفه
مادام هو بالعافيه متعافي
يطيع ربه قبل يضمر كفه
لاهو رحل يرحل وكشفه صافي
في يوم مابه قرض فيه اوسلفه
ومن عفا اجره بيد العافي
با يشمله ربه بواسع لطفه
ومن يجازي صاحبه ويقافي
يقطع له الواحد ولو من كتفه
لاصاحبك وآفي له ابقاء وآفي
ومن وفاء لك مثلما اوفاك أوفه
مالك ومال الشخص ذي هو هافي
مامنه الا الطقطقه من لقفه
قال المثل من كان جيبه دافي
تشوف كل الناس توقف خلفه
اما الذي في عيشته متكافي
في شدته ماحد يقف في صفه
باقول كلمه قالها أسلافي
وقت المطر كلن يجبب سقفه
ماحد لحد في ذاالزمان الجافي
يارب كف الشر عنا كفه
هذا وصلوا قبل مااختم قافي
على النبي ذي خصنا في عطفه
عليه صلاتي سيد الاشرافي
أعداد ما جفني تحرك طرفه
